बागलुङ - उच्च अदालत बार एसोसिएसन बागलुङको अध्यक्षमा अधिवक्ता गिता श्रीष काउचा थापा सर्वसम्मत निर्वाचित भएकी छन । शुक्रबारदेखि शुरु भएको बारको ३३ औं अधिवेसनबाट श्रीष अध्यक्षमा चयन भएकी हुन । यस अघि बारको सदस्यको रुपमा रहेकी श्रीष जिल्लामा बारको पहिलो महिला अध्यक्षको रुपमा समेत रहेकी छन । 

अध्यक्षमा लागि अधिवक्ता हरिकृष्ण सुवेदीले पनि उम्मेदवारी दर्ता गरेमा थिए । अन्तिम समयमा सुवेदीले आफ्नो उम्मेदवारी फिर्ता लिए पछि श्रीष निर्विरोध निर्वाचित भएको निर्वाचन समितिले जनाएको छ । 
वरिष्ठ अधिवक्ता काजी गाउँले श्रेष्ठ, अधिवक्ता डा. डिल्लीराज गौतम र अधिवक्ता ज्ञानेन्द्रराज पन्त रहेको निर्वाचन समितिले शनिबार उमेदवारको अन्तिम नामावली प्रकाशन गर्दा सुवेदीले आफ्नो उम्मेदवार फिर्ता लिए पछि श्रीष निर्विरोध निर्वाचित भएको जनाईएको छ । 

बारको उपाध्यक्षमा लक्ष्मी बास्कोटा, सचिवमा उमाशंकर सापकोटा र कोषाध्यक्षमा रामराजा कँडेल चयन भएका छन् । सदस्यहरुमा नरेन्द्रप्रताप सिंह बुढाथोकी, तेजेन्द्र थापा, प्रकाश बराल र लक्ष्मीदेवी जिसी चयन हुँदा मानवअधिकार समितिको सदस्यमा गोविन्दप्रसाद ओझा चयन भएको निर्वाचत समितिका संयोजक बरिष्ठ अधिवक्ता काजिगाउँले श्रेष्ठले जानकारी दिए । 

बारको केन्द्रीय पार्सदतर्फ बद्रीप्रसाद शर्मा, हरि गौतम, गोविन्द गौतम, अखिलनाथ शर्मा चयन भएका छन् । बारमा तीन सदस्य र महिला समिति संयोजक रिक्त छ । सहसचिव पदमा पुग्ने नै महिला समितिको संयोजक रहने बैधानिक व्यवस्था छ । श्रीष डिएलए गण्डकी प्रदेशको सदस्य समेत रहेकी छन ।